28 يوم بالبيت – للنساء
15$ مرة وحدة
- 28 يوم جاهزين، 15 لـ20 دقيقة
- 13 حركة مشروحة بالرسم
- بلا نط، والجيران ما بيسمعوا شي
- اختبار، جدول، وصفحة سلامة
برنامج 28 يوم للمبتدئين
رياضة بالبيت،
رياضة بالبيت،
15 لـ20 دقيقة باليوم
بلا نط، بلا أدوات، وبلا نادي. كرسي وحيط وبس. كل يوم مكتوب شو تعمل، قديش، وكيف.
- PDF على تلفونك فورًا
- دفع بالبطاقة من أي بلد
- 15$ مرة وحدة
بتبلّش رياضة وبتوقف بعد أسبوع؟
مش ذنبك. أغلب الخطط أكبر من اللازم. هيدي 3 أعذار سمعناها كلنا، وهيدا الجواب:
شو في بالبرنامج؟
ملف PDF واحد، 57 صفحة، مصمّم ليتقرا عالتلفون.
28 يوم، يوم بيوم
كل يوم إله صفحة: الحركات، العدد، والدورات. ما في تفكير.
13 حركة مشروحة
رسم لكل حركة، 3 خطوات، نسخة أسهل، وغلط شائع لتنتبه منه.
كل أسبوع أصعب شوي
من دورتين لـ3 دورات، وحركات بتزيد شوي شوي.
اختبار يوم 1 ويوم 28
3 حركات بتقيس فيهن حالك بالأول وبالآخر، وبتقارن.
جدول للطباعة
علّم كل يوم بتخلّصه. حتى أيام الراحة بتنعدّ.
صفحة سلامة
إيمتى توقف، ومين لازم يسأل طبيب قبل ما يبلّش.
كيف بيمشي؟
- 1
اختار نسختك
نسخة للنساء أو نسخة للرجال. نفس الخطة، والكتابة موجّهة إلك.
- 2
ادفع بالبطاقة
Visa أو Mastercard من أي بلد، عبر صفحة دفع آمنة.
- 3
بيوصلك الملف فورًا
رابط التحميل بيوصل عالإيميل، وبتفتحه عالتلفون.
- 4
بلّش يوم 1
إحماء، 4 حركات، وتمطّي. 15 دقيقة وخلصت.
اختار نسختك
دفعة وحدة، بلا اشتراك. الملف إلك للأبد.
28 يوم بالبيت – للرجال
15$ مرة وحدة
- 28 يوم جاهزين، 15 لـ20 دقيقة
- 13 حركة مشروحة بالرسم
- قوة ولياقة بالبيت، بلا نادي
- اختبار، جدول، وصفحة سلامة
الدفع آمن عبر Lemon Squeezy، وهي البائع الرسمي بالفاتورة. ما منشوف ولا منحفظ معلومات بطاقتك.
مناسب إلك إذا:
- بدك تبلّش رياضة من الصفر أو بعد انقطاع
- ما عندك وقت أو مزاج للنادي
- ساكن بشقة وما بدك نط
- بدك خطة جاهزة بلا تفكير
مش مناسب إذا:
- عندك إصابة أو مشكلة صحية وما سألت طبيبك
- حامل أو ولّدتي من وقت قريب، قبل ما تسألي طبيبتك
- رياضي متقدم وبدك برنامج قوة ثقيل
- عم تدوّر على وعد بنزول وزن سريع
أسئلة
كيف بيوصلني البرنامج؟
بعد الدفع مباشرة بيوصلك إيميل فيه رابط تحميل الـPDF. بتقدر تفتحه عالتلفون أو تطبعه.
شو بحتاج؟
كرسي ثابت بلا دواليب، حيط فاضي، وسجادة أو حصيرة. ومساحة مترين بمترين.
شو الفرق بين نسخة النساء ونسخة الرجال؟
نفس الخطة ونفس الحركات. الكتابة موجّهة إلك، وأرقام نسخة الرجال أعلى شوي.
بنزل وزن بـ28 يوم؟
ما منوعد بأي رقم. هيدا برنامج ليصير عندك روتين حركة وتصير أقوى شوي كل أسبوع. كل جسم بيتغيّر بسرعة مختلفة.
عندي وجع بالضهر أو الركب، بقدر أعمله؟
اسأل طبيبك أو أخصائي علاج فيزيائي قبل ما تبلّش. البرنامج عام، ومش بديل عن نصيحة طبية.
كيف بدفع؟
بالبطاقة (Visa أو Mastercard) من أي بلد، عبر Lemon Squeezy. وأحيانًا Apple Pay أو Google Pay حسب جهازك.
إذا ما عجبني؟
بترجعلك مصاريك خلال 14 يوم من الشراء. شوف سياسة الاسترجاع.
كيف بحكي معكن؟
ابعتلنا رسالة على إنستغرام @bilbeit.fit.